‘मोहर’मा पल र नीतिको जोडी

नायक पल शाहले ओम प्रतिकको निर्देशनमा तयार हुन लागेको फिल्म ‘मोहर’ साइन गरेका छन् । उनले, सोमबार यो फिल्म साइन गरेका हुन् । 

यो फिल्ममा नायिका नीति शाह फाइनल भइसकेकी छिन् । नीतिले केही दिन अगाडि यो फिल्म साइन गरेकी थिइन् । 

नायक शाह र नायिका शाहले पहिलो पटक एकसाथ पर्दामा काम गर्न लागेका हुन् । यो फिल्मको कथावस्तु र आइडिया निकै राम्रो रहेको पल शाहले मेरो फिल्मलाई जानकारी  दिए । उनका अनुसार, फिल्मका लागि ६ महिनादेखि नै कुरा भइरहेको थियो । 

फिल्मको छायांकन माघ–फागुनमा गर्ने तयारी यसको निर्माणपक्षको छ । मेकर्स प्रा.लिको प्रस्तुतिमा तयार हुन लागेको फिल्ममा ओम प्रतिककै लेखन छ । फिल्मलाई चुम्बन जंग शाहीले निर्माण गर्दैछन् । 

पल र नीतिले फिल्म ‘हुतुतु’ नामक फिल्म साइन गरेका थिए । तर, यो फिल्म बनेन । यसैले, अब उनीहरू पहिलो पटक ‘मोहर’मा पर्दा शेयर गर्ने तयारीमा छन् ।