कस्तो रह्यो अनु शाहको कमब्याक ?

नायिका अनु शाहले आफूलाई फिल्मको अफर आएपनि अपेक्षा गरे अनुसारको स्क्रिप्ट नआउँदा काम नगरेको बताएकी थिइन् । फिल्म ‘पसिना’मा काम गरेपछि केही बर्ष अनुको फिल्म नै आएन । उनै, अनु अभिनित फिल्म ‘ईश्वर’ शुक्रबारदेखि हलमा लागेको छ । 

राजु गिरी निर्देशित यो फिल्मको व्यापार निकै कमजोर छ । फिल्मले शुक्रबार र शनिबार पनि हलमा दर्शकको साथ पाउन सकेन । यसैले, अधिकांश मल्टिप्लेक्सबाट फिल्मलाई आइतबार नै हटाइएको छ । 

फिल्मले अधिकांश मल्टिप्लेक्समा १–१ शोज मात्र पाएको थियो । सोही एक शोमा पनि दर्शक नआएपछि फिल्मलाई अधिकांश हलबाट उतारिएको छ । 

यसरीहेर्दा, नायिका अनु शाहको कमब्याक निकै नै कमजोर बनेको देखिन्छ । अनुको हातमा अब अर्को फिल्म छैन । यो फिल्मले पनि व्यापारिक रुपमा निर्मातालाई ठूलो घाटा दिएपछि अनुलाई आगामी यात्राका लागि गाह्रो पर्ने देखिन्छ ।