लोकदोहोरी गीतबारे प्रियंकाले किन दिइन् स्पष्टिकरण ?

संगीत बजारमा एउटा हल्ला चलेपछि नायिका तथा मोडल प्रियंका कार्कीले स्पष्टिकरण दिएकी छिन् ।

प्रियंकाले लोकगीतको भिडियोमा काम नगर्ने भन्ने हल्ला चलेपछि स्पष्टिकरण दिएकी हुन् । पछिल्लो समयमा प्रियंका फिल्ममा भन्दा पनि भिडियोमा बढी व्यस्त छिन् । 

‘माछी’ बोलको गीत रिलिज कार्यक्रममा प्रियंकाले भनिन्–‘मैले कसैलाई लोकदोहोरी गीतमा काम गर्दिनँ भनेर भनेको छैन । किनभने संगीत भनेको संगीत नै हो । म त झन् यस्तो नाच्ने मान्छे । म कुनै पनि गीत संगीतमा कुनै पनि खालको भिन्नता राख्दिनँ ।’

उनले, यस्तो हल्ला कहाँ कसरी निस्कियो भन्ने आफूलाई थाहा नभएको भन्दै भनिन्–‘गीत संगीत भनेको जुन भाषा, जुन लवज, जुन म्युजिक, जुन टाइपको भएपनि मनपर्ने मान्छे हो म । यसैले यस्तो हल्लाको पछि नलाग्नुहोला ।’

प्रियंकाले पछिल्लो समयमा आफू हनुमानको भक्त भएको पनि उल्लेख गरेकी छिन् । उनले, आफूमा केही यस्ता घटना घटेपछि हनुमानको भक्त भएको बताइन् । आफूले साउनको सोमबार ब्रत समेत बस्न थालेको उनको भनाई छ । 

प्रियंका चाडै नै फिल्म ‘माईली’मा काम गर्ने तयारीमा छिन् ।