‘लाज शरणम्’मा सागर, मालादेखि मुकुन्दसम्म

फिल्म ‘लाज शरणम्’ निर्माणको औपचारिक घोषणा गरिएको छ । आज काठमाडौंमा आयोजित पत्रकार सम्मेलनमा कमेडी जनरामा बन्ने फिल्म निर्माणको घोषणा गरिएको हो ।

फिल्मलाई जिग्री पाँडे टिमका तर्फबाट कुमार कट्टेलको लेखन तथा निर्देशन छ । फिल्ममा नवीन श्रेष्ठ निर्माता र रमेश नरेश शाह सह–निर्माताको रुपमा छन् । सुदीप बरालको छायांकन रहने फिल्ममा अर्जुन घिमिरे, सागर लम्साल, कमलमणी नेपाल, माला लिम्बु, विजय बराल र मुकुन्द श्रेष्ठको मुख्य भूमिका छ ।

मुकुन्दले १२ बर्षपछि फिल्ममा फेरि काम गर्न लागेका हुन् । अन्य कलाकारहरुको बिषयमा विस्तारै जानकारी दिने निर्माणपक्षले बताएको छ । 

यो फिल्मलाई फागुनको १४ गतेबाट रिलिज गर्ने घोषणा समेत गरिएको छ । कार्यक्रममा कलाकार हरिवंश आचार्य, निर्देशकद्धय दीपाश्री निरौला र प्रदीप भट्टराईले शुभकामना दिएका थिए । 

फिल्मका निर्देशक कुमारले यो फिल्म सिंगो फिल्म नगरीको फिल्म भएको बताए । कार्यक्रममा कुमारको जन्मदिनको सेलिव्रेशन समेत गरिएको थियो ।