‘बेहुली फ्रम मेघौली’को ‘उडायो मन’ गीतः निश्चलको प्रतिक्षामा रमाएकी स्वस्तिमा

ब्ल्याक हर्स पिक्चर्स र मेघौली फिल्मस्को व्यानरमा निर्माण भएको फिल्म ‘बेहुली फ्रम मेघौली’को दोस्रो गीत रिलिज भएको छ । ‘उडायो मन’ बोलको गीत आज ओएसआर डिजिटलबाट सार्वजनिक गरिएको हो । इन्द्रकला राइको स्वर रहेको गीतमा जयन जे वाइवाको संगीत र शब्द छ । 

सार्वजनिक गीतमा फिल्मका मुख्य दुई कलाकार नायिका स्वस्तिमा खड्का र कलाकार सिम्रन खड्कालाई फिचरिङ गरिएको छ । यो गीतमा फिल्मका मुख्य नायक निश्चल बस्नेतको प्रतीक्षामा बसेकी स्वस्तिमाको खुशी देख्न सकिन्छ । 

फिल्ममा स्वस्तिमाको साथमा निश्चल बस्नेत, बसुन्धारा भुसाल, विजय राल, रक्षा थापा, लोकेन्द्र लेखक, सिरु बिष्ट, अमिर गौतम, सिम्रन खड्का, शिशिर सिवाकोटी, प्रभाकर शर्मा, लुनिभा तुलाधर, मुकुन्द मैनाली, रामबाबु रेग्मी लगायतका कलाकारको अभिनय छ । 

साजन काफ्ले र आकाश बरालको लेखन तथा निर्देशनमा तयार भएको यो फिल्ममा स्वस्तिमा र निश्चलको लगानी छ । नरेन्द्र मैनालीको छायांकन रहेको फिल्ममा निमेष श्रेष्ठको सम्पादन, प्रवीण लामा र केविका खत्रीको कोरियोग्राफी छ ।

फिल्मको कार्यकारी निर्माता शंकर पाण्डे हुन् । यो फिल्म असोजको १७ गतेबाट रिलिजमा आउँदैछ ।