‘धोकेबाज’मा आश्माको हट नृत्य

गायक शिव परियारको स्वरमा नयाँ गीत ‘धोकेवाज’ सार्वजनिक भएको छ । रविन लामिछानेको शब्द रहेको यो गीतमा युवराज मगरको संगीत छ । 

गीतको फिमेल भर्सनमा गायिका समीक्षा अधिकारीको स्वर छ । रामजी लामिछानेको कोरियोग्राफी र निर्देशनमा तयार भएको भिडियोमा मोडलद्धय आश्मा विश्वकर्मा र ओबी रायमाझीको नृत्य हेर्न सकिन्छ ।

यो जोडीलाई दर्शकले ‘कट्टा हान्दिन्छु’ गीतमा रुचाएका थिए । यही जोडीलाई लिएर ‘धोकेबाज’को भिडियो तयार पारिएको छ । मानकृष्ण महर्जनले खिचेको भिडियोलाई बन्दे प्रसादले सम्पादन गरेका छन् ।