आशा जगाउने ‘मोदीबेनी’को ट्रेलर

साउनको १८ गतेबाट रिलिजमा आउन लागेको फिल्म ‘मोदीबेनी’को ट्रेलर सार्वजनिक भएको छ । काठमाडौंमा आज एक कार्यक्रमको आयोजना गर्दै शंकर कोइरालाको निर्देशनमा तयार भएको फिल्मको ट्रेलर सार्वजनिक गरिएको हो । 

आनन्द विक्रम क्षेत्रीको लेखन रहेको फिल्ममा दिलीप केसीको लगानी छ । हरि श्रेष्ठ फिल्मका सह–निर्माता हुन् । यो फिल्ममा उत्सव दाहालको छायांकन, भरत  रेग्मीको सम्पादन, शान भुसाल र एसडी योगीको संगीत, किरण थापाको कोरियोग्राफी छ । 

फिल्ममा वर्षा सिवाकोटी, प्रवीण खतिवडा, अमर प्रताप श्रेष्ठ, सरोज खनाल, रेजिना उप्रेति, दिलीप केसी, स्नेहा भट्टराई, कमलमणी नेपाल, हिउँवाला गौतम, सुव्रत राज आचार्य, रोजी श्रेष्ठ लगायतका कलाकारको अभिनय छ । साहिल खानले फिल्मको ट्रेलर तयार पारेका हुन् । 

फिल्मले मोदीबेनीमा घटेको एक घटनालाई पर्दामा प्रस्तुत गरेको छ । फिल्मको ट्रेलर आशा जगाउने खालको छ । सस्पेन्स, थ्रीलर, प्रेम र सामाजिक कथावस्तुमा यो फिल्म तयार भएको छ ।