‘खुस्मा’को गीतमा धिरज र उपासनाको प्रेमभाव

असोजको ३ गतेबाट रिलिजमा आउन लागेको फिल्म ‘खुस्मा’को पहिलो गीत सार्वजनिक भएको छ । ‘खुशीका फूल बटुलेर’ बोलको गीत आज सार्वजनिक गरिएको हो । यो गीतमा एसडी योगी र विज्ञानी पराजुलीको स्वर, एसडी योगीकै संगीत, राव अविरल विष्टको शब्द छ । 

सार्वजनिक गीतको भिडियोमा फिल्मका मुख्य दुई कलाकारहरू धिरज मगर र उपासना सिंह ठकुरीबिचको प्रेमभाव हेर्न सकिन्छ । अशोक थापा मगरको निर्देशनमा तयार भएको यो फिल्मलाई एम मिडिया प्रा.लिको ब्यानरमा निर्माण गरिएको हो । 

फिल्ममा धिरज र  उपासनाको साथमा माओत्से गुरुङ, राज थापा काउचा, विजय सुब्बा, सुजता राई, अरुण मगर, राजु रेग्मी मगर लगायतका कलाकारको अभिनय छ । 

द्धन्द्धकालको समयमा फक्रिएको प्रेमको कथालाई यो फिल्मले प्रस्तुत गर्नेछ । फिल्ममा मोहन राई कार्यकारी निर्माता, वीर बहादुर लामा, चन्द्र भट्टचन, बेटानी मगर र मान बहादुर मगर निर्माताको रुपमा छन् । 

सुस्मिता बुढाथोकी सह–निर्माता रहेको यो फिल्ममा अशोक थापा मगरको कथा तथा पटकथा छ । 

दीपक श्रेष्ठको छायांकन रहेको यो फिल्ममा अशोक थापा मगरको सम्पादन, सुरेन्द्र राइको कोरियोग्राफी छ । फिल्मलाई काफिया फिल्मस्ले वितरण गर्नेछ ।