दिवाकरको ‘नरसिंहा’मा हमाललाई अफर

फिल्म ‘मायाबी र हनी बनी’को रिलिजलाई होल्डमा राख्दै निर्देशक दिवाकर भट्टराई दुई वटा नयाँ फिल्म छायांकनको तयारीमा छन् । 

उनले, बनाउन लागेको एउटा फिल्मको नाम ‘नरसिंहा’ राखिएको छ । यो फिल्मको लागि नायक राजेश हमाललाई अफर गरिएको वुझिएको छ ।

फिल्ममा राजेशले काम गर्ने वा नगर्ने पक्का भएको छैन । फिल्मको बिषयमा निर्माणपक्षले अरु केही पनि बताएको छैन । 

दिवाकरले बनाउन लागेका २ फिल्ममध्ये एक फिल्ममा भने सनिषा भट्टराई फाइनल भएको वुझिएको छ । सनिषाले नायक विराज भट्टको  निर्देशनमा बनिरहेको फिल्म ‘१२ गाउँ’बाट फिल्मी यात्रा सुरु गरेकी थिइन् । 

यस्तै, दिवाकरले अर्को एक फिल्ममा नायक राज कटुवालसँग सहकार्य गर्ने तयारी पनि गरेका छन् । 

वुझिएअनुसार, दिवाकरले नायक पल शाहलाई लिएर बनाएको फिल्म ‘मायाबी’को रिलिज मिति केही दिनमा नै घोषणा गर्ने तयारी गरिएको छ ।