‘तेल भिसा’मा विपिनको दोहोरो भूमिका, मंसिर ७ बाट रिलिज हुने

फिल्म ‘तेल भिसा’को प्रदर्शन मिति परिवर्तन भएको छ । यसअघि भदौको २८ गतेबाट रिलिज हुने भनिएको यो फिल्म अब मंसिरमा रिलिज हुने भएको छ । फिल्मको निर्माणपक्षले फस्टलुक सार्वजनिक गर्दै फिल्मलाई मंसिरको ७ गतेबाट रिलिज गर्ने घोषणा गरेको छ । 

यो फिल्मको फस्टलुकमा नायक विपिन कार्कीको दोहोरो भूमिका हेर्न सकिन्छ । साथमा, नायिका वर्षा राउत, पूजा चन्द, ऋचा शर्मालाई पनि पोष्टरमा देख्न सकिन्छ । पूजा चन्दको हातमा हतकडी रहेकाले पनि उनको भूमिका केही विशेष हुने अनुमान गर्न सकिन्छ । 

यो फिल्मको पहिलो चरणको छायांकन अमेरिकामा भएको थियो । दोस्रो चरणको छायांकन भने चितवनमा गर्ने बताइएको छ । फिल्ममा कलाकार बुद्धि तामाङको पनि मुख्य भूमिका छ ।

वेल्डन क्रियसनको ब्यानरमा ऋचा घिमिरेको प्रस्तुति रहेको यो फिल्ममा अनिश पाण्डे र शिवराज कार्कीको लगानी छ ।

प्रिन्स युवराज कार्की र श्रुती दाहाल कार्यकारी निर्माता रहेको यो फिल्ममा सुशन प्रजापतिको छायांकन, रामजी लामिछाने र शिशिर खातीको कोरियोग्राफी, आशिष अविरल, कल्याण सिंह र कृष्ण भारद्वाजको संगीत, अजय खड्काको सम्पादन छ ।