‘घरज्वाइँ’को दुई दिनमा डेढ करोड ग्रस

शुक्रबारदेखि रिलिजमा आएको फिल्म ‘घरज्वाइँ’ले २ दिनमा डेढ करोड ग्रस कलेक्शन गरेको दाबी निर्माणपक्षले गरेको छ । 

निर्माणपक्षले रिलिजको तेस्रो दिनमा २ दिन आँकडा सार्वजनिक गरेको हो । फिल्मले शुक्रबार र शनिबार सुखद कमाई गरेको थियो । फिल्मले डेढ करोड ग्रस कलेक्शन गर्दा निर्माताको हातमा ५० देखि ६० लाखसम्म शेयर आउँछ ।

यसैले, यो फिल्मले लगानी मात्र सुरक्षित गर्न पनि अझै केही दिन राम्रै व्यापार गर्न आवश्यक छ । 

अनिल बुढा मगरको निर्देशनमा तयार भएको यो फिल्ममा जनक घर्ती मगरको लगानी छ । फिल्ममा दयाहाङ राई, मिरुना मगर, शिशिर वाङ्देल,  वुद्दि तामाङ, कविता आले लगायतका कलाकारको अभिनय छ । 

दोस्रो सातामा पनि नयाँ नेपाली फिल्म नभएकाले यो फिल्मले फाइदा उठाउन सक्छ ।