बैबाहिक जीवनमा बाधिए सागर लम्साल ‘बले’

मोडल तथा कलाकार सागर लम्साल ‘बले’ बिबाह बन्धनमा बाँधिएका छन् । उनले, आइतबार झापाकी स्नेहा दंगालसँग बिहे गरेका हुन् । आइतबार उनले चाबहिलको एक पार्टी प्यालेसमा बिहे गरे । सागरले मागी विवाह गरेका हुन् । 

भक्तपुरको ठिमी अस्पतालमा स्टाफ नर्सको रुपमा काम गरिरहेकी स्नेहासँग बिहे गर्दा बले खुशी देखिएका थिए । बलेको विवाह समारोहमा आफन्त, परिवारका सदस्य र केही म्युजिक भिडियो क्षेत्रमा मानिसहरूको उपस्थिति थियो । 

सामाजिक संजालमा तस्विर सार्वजनिक भएपछि लम्साललाई फिल्म, म्युजिक र सिरियल क्षेत्रका मानिसहरूले बधाई दिइरहेका छन् । 

विशेषगरि, सागर ‘सक्किगोनी’मा ‘बले’  पात्रको रुपमा काम गरेपछि चर्चामा छन् । उनले, फिल्म ‘लज्जा शरणम्’मा पनि काम गर्दैछन् ।