‘ईश्वर’को ‘पुरा भयो सपना मेरो’ सार्वजनिक

साउनको ११ गतेबाट रिलिजमा आउन लागेको फिल्म ‘ईश्वर’को दोस्रो गीत ‘पुरा भयो सपना मेरो’ सार्वजनिक गरिएको छ । रवि ओड र बेनिशा पौडेलको स्वरमा समावेश यो गीतमा फूलाराको शब्द, राजेन्द्र बजगाईँको संगीत छ ।

गीतको भिडियोमा ध्रुव थापा र कृष्टि गुरुङलाई फिचरिङ गरिएको छ । गीतमा यी दुबै कलाकार रोमान्टिक देखिएका छन् । राजु गिरीको निर्देशनमा तयार भएको यो फिल्ममा सुनिल थापा, वुद्दि तामाङ, अनु शाह, सबिन बास्तोला, माओत्से गुरुङ, पृथ्वीराज प्रसाई, शिशिर वाङ्देल, गीता अधिकारी लगायतका कलाकारहरुको पनि अभिनय छ ।

दिव्या कंगना फिल्मस्को ब्यानरमा निर्माण भएको फिल्ममा हरिबहादुर थापाको निर्माण छ । फिल्ममा भोजराज देवकोटाको पटकथा तथा संवाद छ ।

लक्ष्मी कुँवरको प्रस्तुतिमा तयार भएको यो फिल्ममा अर्जुन पोखरेलको संगीत, कविराज गहतराजको कोरियोग्राफी, रामेश्वर हुमागाँइको छायांकन, देव महर्जनको एक्सन छ ।