दया र मिरुनाको ‘घरज्वाइँ’ रिलिज, कस्तो छ ओपनिङ ?

हिन्दी फिल्मको दबदबा रहेको समयमा नयाँ नेपाली फिल्म ‘घरज्वाइँ’ आजबाट रिलिजमा आएको छ । दयाहाङ राई, मिरुना मगर, शिशिर वाङ्देल, बुद्धि तामाङ लगायतका कलाकारको अभिनय रहेको यो फिल्मलाई अनिल बुढा मगरले निर्देशन गरेका हुन् । यो फिल्ममा जनक घर्ती मगरको लगानी छ । 

फिल्मले मगर समुदायमा ‘घरज्वाइँ’ बस्ने प्रथाको कथा भन्छ । यो फिल्मलाई मल्टिप्लेक्सहरुले पनि उच्च शोज दिएका छन् । 

यो फिल्मले बिहानी शोमा ठीकठाक व्यापार गरेपनि दिवा शोबाट भने दर्शकको चाप बढेको देखिन्छ । विशेषगरि, उपत्यकाका मल्टिप्लेक्समा दर्शकको संख्या दिवा शोबाट बढेको देखिएको छ । 

फिल्मको वर्ड अफ माउथ बलियो आएको खण्डमा भोलिबाट यसको व्यापार अझै बढ्नेछ । दर्शकले ३ सातापछि नयाँ नेपाली फिल्म हलमा हेर्न पाएका हुन् ।