‘मोदीबेनी’को ‘मन्जुरी’ गीतमा रोमान्टिक वर्षा र अमर

साउनको १८ गतेबाट रिलिजमा आउन लागेको फिल्म ‘मोदीबेनी’को पहिलो गीत ‘मन्जुरी यो मनले माग्यो’ सार्वजनिक भएको छ । सार्वजनिक गीतमा एसडी योगी र विज्ञानी पराजुलीको स्वर, राम अविरल बिष्टको शब्द र एसडी योगीकै संगीत छ । 

गीतको भिडियोमा फिल्मका मुख्य कलाकारहरु नायिका वर्षा सिवाकोटी र कलाकार अमर प्रताप श्रेष्ठलाई फिचरिङ गरिएको छ । किरण थापाको कोरियोग्राफी रहेको यो गीतमा उत्सव दाहालको छायांकन, भरत रेग्मीको सम्पादन छ । 

गीतको भिडियोमा वर्षा र अमरप्रताप रोमान्टिक देखिएका छन् । शंकर कोइरालाको निर्देशनमा तयार भएको यो फिल्ममा आनन्द विक्रम क्षेत्रीको लेखन, उत्सव दाहालको छायांकन, भरत रेग्मीको सम्पादन, किरण थापाको कोरियोग्राफी, शान भुषाल र एसडी योगीको संगीत छ । 

दिलिप केसीको लगानीमा तयार भएको फिल्ममा हरि श्रेष्ठ सह–निर्माताको रुपमा छन् । फिल्ममा वर्षा सिवाकोटी, प्रविण खतिवडा, अमर प्रताप श्रेष्ठ, सरोज खनाल, रेजिना उप्रेति, दिलिप केसी, स्नेहा भट्टराई, जीवन भट्टराई, कमलमणी नेपाल, हिउँवाला गौतम, सुव्रतराज आचार्य लगायतका कलाकारको अभिनय छ ।