‘तै चुप मै चुप’को निर्माण हुने

फिल्म ‘तै चुप मै चुप’को निर्माण हुने भएको छ । यो फिल्मलाई कलाकार तथा निर्माता सन्तोष अधिकारीले निर्माण गर्ने पक्का भएको छ । उनले यसअघि फिल्म ‘चित्रा’ पनि निर्माण गरेका थिए ।

सन्तोष अधिकारी फिल्मस्को व्यानरमा अस्याप इन्टरटेन्मेन्ट नेपाल र अस्ट्रेलियाको निर्माण सहकार्यमा यो फिल्म निर्माण हुन लागेको हो । 

फिल्म ‘तै चुप मै चुप’लाई घनश्याम लामिछानेले निर्देशन गर्दैछन् । फिल्ममा मनिष गौतमको स्क्रिप्ट छ । 

फिल्मको छायांकन काठमाडौं र पोखरामा हुनेछ । फिल्मका लागि कलाकार छनोटको काम अगाडि बढेको निर्माणपक्षको भनाई छ । 

निर्देशक लामिछानेका अनुसार, राजनीतिक कथालाई कमेडीको शैलीमा फिल्ममा प्रस्तुत गरिनेछ । घनश्याम र सन्तोषले यसअघि निर्माण गरेको फिल्म ‘चित्रा’ले पनि राम्रै चर्चा पाएको थियो । चलचित्रमा आशिष थापा मगर र प्रतिमा थापाको लगानी रहनेछ ।