साउन २५ मा गौरब र नम्रताको ‘नम्बरी सुन’ रिलिज हुने

फिल्म ‘नम्बरी सुन’को प्रदर्शन मिति हेरफेर भएको छ । यसअघि यो फिल्मलाई गतबर्षको भदौको १ गतेबाट रिलिज गर्ने तयारी गरिएको थियो । तर, सो समयमा फिल्म रिलिज हुन सकेन । अब, यो फिल्म साउनको २५ गतेबाट रिलिज हुने पक्का भएको छ । 

फिल्मको निर्माण टिमले मुख्य कलाकारहरू गौरव पहारी, नम्रता सापकोटा र विनोद न्यौपानेलाई स्थान दिँदै नयाँ पोस्टर सार्वजनिक गरेको छ ।

नारायण खातीको कथा तथा प्रस्तुतिमा तयार भएको फिल्ममा सरोज खनाल, राजाराम पौडेल, राजेन्द्र खड्गी, वुद्दि तामाङ, किरण नेपाली लगायतका कलाकारको अभिनय छ । 

सुवर्ण शिभान्स प्रोडक्सनको व्यानरमा निर्माण भएको यो फिल्ममा शिवम् अधिकारीको पटकथा तथा संवाद, सरोज खाती, सविन खाती र मनोज रिजालको निर्माण छ । 

फिल्ममा अर्जुन पोखरेल र सन्तोष श्रेष्ठको संगीत, रामजी लामिछानेको नृत्य, दिव्य सुवेदीको छायांकन, देव महर्जनको एक्सन, गौतम राज खड्काको सम्पादन छ ।