‘ईश्वर’को ‘डुब्दै डुब्दै’ गीत सार्वजनिक

साउनको ११ गतेबाट रिलिजमा आउन लागेको फिल्म ‘ईश्वर’को ‘डुब्दै डुब्दै’ बोलको गीत रिलिज भएको छ । कृष्ण काफ्ले र गीता पाण्डेको स्वर, भीष्मराज फूलाराको शब्द रहेको यो गीतमा अर्जुन पोखरेलको संगीत छ ।

यो गीतमा फिल्मका मुख्य दुई कलाकारहरू अनु शाह र पृथ्वीराज प्रसाँइलाई फिचरिङ गरिएको छ । पोखराका विभिन्न लोकेशनमा यो गीतको भिडियो खिचिएको छ ।

राजु गिरीको निर्देशनमा तयार भएको यो फिल्ममा ध्रुव थापा, सुनिल थापा, बुद्धि तामाङ, अनु शाह, सबिन बास्तोला, माओत्से गुरुङ, पृथ्वीराज प्रसाई, रविन्द्र झा लगायतका कलाकारको अभिनय छ । दिव्या कंगना फिल्मस्को ब्यानरमा निर्माण भएको फिल्ममा हरिबहादुर थापाको लगानी छ ।

फिल्ममा भोजराज देवकोटाको पटकथा तथा संवाद, लक्ष्मी कुँवरको प्रस्तुति छ । फिल्ममा अर्जुन पोखरेलको संगीत, कविराज गहतराजको कोरियोग्राफी छ । रामेश्वर हुमागाँइको छायांकन रहेको फिल्ममा देव महर्जनको द्धन्द्ध निर्देशन छ । फिल्मलाई आरआर फिल्मस्ले वितरण गर्दैछ ।