‘एक्टर’को सुटिङमा प्रदीपलाई ‘भ्यानेटी रुम’

नायक प्रदीप खड्काको मुख्य भूमिका रहेको फिल्म ‘एक्टर’को हाल धमाधम छायांकन भइरहेको छ । पोखरामा १० दिन छायांकन गरेर यसको टिमले काठमाडौंमा विगत केही सातादेखि छायांकन गरिरहेको छ ।

राजन भुसालको निर्देशनमा तयार भइरहेको यो फिल्ममा थमन कुमार भण्डारीको लगानी छ । 

यो फिल्ममा प्रदीपको साथमा नायिकाद्धय आना शर्मा र दिव्या रायमाझीको मुख्य भूमिका छ । साथै, फिल्ममा नायक राजवल्लभ कोइरालाको पनि मुख्य भूमिका छ । 

यसैबिच, यो फिल्मको टिमले नायक प्रदीप खड्कालाई छायांकन सेटमा ‘भ्यानेटी रुम’ उपलब्ध गराएको छ । बलिउड र हलिउडका कलाकारहरूले छायांकन सेटमा व्यक्तिगत भ्यानेटी भ्यान प्रयोग गर्दै आएका छन् । तर, नेपालमा भने भ्यानेटी भ्यानको प्रचलन खासै छैन । 

तर, यसपटक भने निर्माता भण्डारीले नायक खड्काका लागि ‘भ्यानेटी रुम’ उपलब्ध गराएका छन् । फिल्मको लागि टेक भएको अवस्थामा बाहेक प्रदीपले यही भ्यानमा तयारी गरिरहेका छन् । ‘भ्यानेटी रुम’लाई नेपालमा नै तयार पारिएको हो । 

यो फिल्म कार्तिकको १५ गतेबाट रिलिजमा आउँदैछ ।