‘सतीदेवी’को ‘लैजा दैव फिर्ता लैजा’मा मलिकाको पीडा

साउनको ४ गतेबाट रिलिजमा आउनका लागेको फिल्म ‘सतीदेवी’को टिजरपछि नयाँ गीत सार्वजनिक गरिएको छ । ‘लैजा दैव फिर्ता लैजा’ बोलको गीत ओएसआर डिजिटलबाट सार्वजनिक गरिएको हो । 

सार्वजनिक यो गीतमा लक्ष्मण सुवेदीको शब्द, सुभाष भुषालको संगीत, ममता गुरुङको स्वर छ । 

सार्वजनिक गीतको भिडियोमा मुख्य नायिका मलिका महतलाई फिचरिङ गरिएको छ । श्रीदेवी सुवेदी र विशाल सुवेदीको लगानीमा तयार भएको यो फिल्ममा मलिकाको साथमा हर्षिका ओली, मन्जिला बानियाँ, सन्दिपबाबु लोहनी, रमेश वुढाथोकी लगायतका कलाकारको अभिनय छ । 

यो फिल्मलाई लक्ष्मण सुवेदीले निर्देशन गरेका हुन् । फिल्ममा सुवेदीकै लेखन छ । यो फिल्मले छोरीको कथा भन्छ । एउटा परिवारमा छोरीको जन्म भएपछि छोराको चाहना कसरी उत्पन्न हुन्छ र छोरीलाई कस्तो व्यवहार गरिन्छ भन्ने कथा फिल्ममा प्रस्तुत गरिएको छ ।