पूजाको ‘दान्भी’ रिलिज, कस्तो छ बिहानको अकुपेन्सी ?

आज शुक्रबारदेखि नयाँ नेपाली फिल्म ‘दान्भी’ हलमा लागेको छ । देशभरका हलमा सय भन्दा बढी शोज सहित यो फिल्म हलमा लागेको हो । 

रुपेश तामाङको निर्देशनमा तयार भएको यो फिल्ममा नायिका पूजा शर्मा शीर्ष भूमिकामा देखिएकी छिन् । फिल्ममा नायक कुन्साङ बोमजोम र किरण श्रेष्ठको पनि मुख्य भूमिका छ । 

एक्सन, लभ स्टोरी र पारिवारिक कथामा तयार भएको यो फिल्मको आज बिहान प्रेस शो समेत आयोजना गरिएको थियो । यो फिल्मले बिहानी शोजहरुमा औषत सुरुवात गरेको छ । दिवा र बेलुकीका शोहरुमा दर्शकको चाप बढ्ने अपेक्षा गर्र्न सकिन्छ । 

पूजाको गतबर्ष फिल्म ‘उपहार’ रिलिज भएको थियो । यो फिल्मबाट नायिका शर्मा उत्साहित र आशावादी छिन् । फिल्ममा पूजाको एक्सन अवतार समेत हेर्न सकिन्छ । साथमा, फिल्ममा पारिवारिक कथालाई पनि जोड दिइएको छ । 

यो फिल्मको व्यापार पूजाका लागि महत्वपूर्ण छ । यसैले, फिल्मको प्रचारमा पूजा जोडतोडका साथ लागेकी थिइन् ।