‘दान्भी’लाई देशभर सय बढी शोज

भोलि शुक्रबारदेखि रिलिजमा आउन लागेको फिल्म ‘दान्भी’ले देशभरका मल्टिप्लेक्समा १ सय ६ वटा शोज पाएको छ । 

रुपेश तामाङको निर्देशनमा तयार भएको एक्सन प्रधान यो फिल्मलाई प्रमुख मल्टिप्लेक्स हलहरुले राम्रो शोज उपलब्ध गराएका छन् । 

क्यूएफएक्स चेनले यो फिल्मलाई उपत्यकामा १६ र मोफसलमा ३१ वटा शोज दिएको छ । यस्तै, वान सिनेमाजले नयाँ बाँनेश्वर र कालिमाटी गरेर ७ शोज, आईनआई चेनले १२ शोज दिएका छन् । 

फिल्मले एफक्यूब, वीएसआर, बीग मुभिजमा पनि सुखद शोज पाएको छ । मोफसलमा फिल्मले ५५ वटा शोज पाएको छ । 

यो फिल्ममा पूजा शर्मा, कुन्साङ बोमजोम, किरण श्रेष्ठ लगायतका कलाकारको अभिनय छ । देव मगर र अनुप गडालको लगानी रहेको फिल्ममा कमला लिम्बु, पञ्च बहादुर तामाङ र आदर्श पौडेल सह–निर्माताको रुपमा छन् । 

फिल्ममा संजोग राणाको पटकथा तथा संवाद, रविन थापा मगरको कथा, हरिप्रसाद घलेको छायांकन, बन्दे प्रसादको सम्पादन, श्री श्रेष्ठको एक्सन, कविराज गहतराजको कोरियोग्राफी छ ।