दुबइमा महेश र अस्मिताले गरे इन्गेजमेन्ट

केही बर्षदेखि प्रेम सम्बन्धमा रहेका गायक महेश काफ्ले र गायिका अस्मिता अधिकारीले इन्गेजमेन्ट गरेका छन् । यूएइको दुबईमा एक सांगीतिक कार्यक्रमको सिलसिलामा पुगेका उनीहरुले इन्गेजमेन्ट गरेका हुन् । सामाजिक संजालमा फोटो पोस्ट गर्दै दुबैले आफूहरु एक भएको उल्लेख गरेका छन् । 

विश्वकै अग्लो टावर बुर्ज खलिफाको अगाडि बसेर उनीहरुले एक अर्कालाई इन्गेजमेन्टको औठी लगाइदिएका थिए । 

गायिका अधिकारीले दुई आत्मा एक भएको उल्लेख गरेकी छिन् । आफूहरु सधैका लागि अब एक भएको उनको भनाई छ । 

सांगीतिक करिअरलाई एकसाथ अगाडि बढाइरहेको यो जोडीले प्रेमलाई सार्वजनिक रुपमा स्विकार गरेको थिएन ।

तर, उनीहरुले दुबइमा पुगेर इन्गेजमेन्ट गरेपछि आफूहरुको प्रेमलाई मात्र स्विकार गरेका छैनन्, एकसाथ जीवन अगाडि बढाउने निर्णय समेत गरेका छन् । दुबैलाई धेरै धेरै बधाई छ ।