सन्तोष सेनले गरे प्रदीप खड्काको तारिफ

नायक प्रदीप खड्का र निर्देशक तथा निर्माता सन्तोष सेनको सम्बन्ध कहिले बिग्रन्छ त कहिले सुध्रिन्छ । फिल्म ‘प्रेमगीत’बाट जोडिएपछि उनीहरू एकसाथ अगाडि बढे ।

फिल्म ‘प्रेमगीत ३’लाई भारतीय बजारमा रिलिज गर्दासम्म उनीहरू सँगै हिँडेका थिए । तर, यो फिल्म रिलिज भएपछि उनीहरुको सम्बन्धमा दरार आयो । 

यी दुईले एक अर्कालाई घुमाएर खुबै आलोचना पनि गरेको पाइन्छ । तर, सामाजिक संजालमा सन्तोष कहिले प्रदीपको खुलेरै आलोचना गर्छन् त कहिले उनी फेरि प्रशंसा पनि गर्छन् । 

फिल्म ‘चन्दु च्याम्पियन’ हेरेपछि सन्तोषले प्रदीपको खुलेरै तारिफ गरे । यो फिल्मका लागि नायक कार्तिक आर्यनले निकै मिहिनेत गरेका छन् ।

सन्तोषले नेपालमा कार्तिकको जस्तो मिहिनेत गर्न सक्ने नायक प्रदीप खड्का मात्र भएको उल्लेख गरेका छन् । 

उनले लेखेका छन्–‘हेर्नै पर्छ, चन्दु च्याम्पियन । बलिउडमा कार्तिक आर्यन । यदि, नेपालमा त्यो स्तरमा कोहिले काम गर्छ भने मात्र प्रदीप खड्का । दुबै जना च्याम्पियन ।’

सन्तोषको यो स्टाटसले प्रदीपलाई पक्कै पनि खुशी बनाउनेछ । तर, अहिले यी दुई फरक–फरक ब्यानरमा काम गरिरहेका छन् । सन्तोषले बनाउन लागेको फिल्म ‘बलिदान’का लागि नायक समीर भट्ट फाइनल भइसकेका छन् । प्रदीपसँग भने आधा दर्जन फिल्म पाइपलाइनमा छ ।