‘सिंघम ३’ आएपनि कार्तिक १५ मै ‘एक्टर’, राजवल्लभले सके डबिङ

तिहारमा बलिउडका ठूलो फिल्म ‘सिंघम ३’ आउने भएपछि नेपाली फिल्मको प्रदर्शनको क्यालेन्डर के होला भन्ने अड्कलबाजी भइरहेको थियो । तर, कार्तिक १५ गतेलाई प्रदर्शन मिति तय गरिएको फिल्म ‘एक्टर’ निर्धारित दिनमै रिलिज हुने भएको छ । 

यो फिल्मको हाल धमाधम छायांकन चलिरहेको छ । फिल्मका मुख्य कलाकार राजवल्लभ कोइरालाले भने डबिङ सकेका छन् । उनी, फिल्मको डबिङ सकेर आज नै अमेरिका फर्किने तयारीमा छन् । 

यो फिल्ममा नायक प्रदीप खड्का, नायिकाद्धय आना शर्मा र दिव्या रायमाझीको मुख्य भूमिका छ । थमन कुमार भण्डारीको निर्माणमा तयार भइरहेको फिल्ममा राजन भुसालको  निर्देशन छ । 

यो बर्षको दशैं र तिहारमा ठूला हिन्दी फिल्म रिलिज हुँदैछन् । जसकाकारण, नेपाली फिल्मको रिलिज मितिमा फेरबदल आउने अनुमान भइरहेको छ । तर, फिल्म ‘एक्टर’ भने लक्ष्मी पूजाको दिनबाट नै रिलिज हुने भएको छ ।