के जीतुले राजु गिरीको फिल्म साइन गरेका हुन् ?

कलाकार जितु नेपाल हाल फिल्म ‘ज्वाइँ साब’को छायांकनमा व्यस्त छन् । यो फिल्मको मकवानपुरको चित्लाङमा छायांकन भइरहेको छ । 

यही बीचमा, जीतुसँग निर्देशक राजु गिरीले एक फिल्मको स्क्रिप्ट सहित तस्विर सार्वजनिक गरेका छन् । ‘डल्लेले इन्ट्री मार्यो’ नामक फिल्मको स्क्रिप्ट जीतुको हातमा देखिन्छ । 

योसँगै जीतुले राजुको फिल्म साइन गरेको चर्चा समेत चलेको छ । तर, जीतुले राजुको फिल्म साइन भने गरेका छैनन् । चित्लाङमा नै पुगेर राजुले जीतुलाई भेटेका थिए । भेटमा राजुलाई जीतुले स्क्रिप्ट छाडेर जान आग्रह गरेका थिए । सोही भेटको तस्विर राजुले सामाजिक संजालमा पोष्ट गरेका हुन् । 

जीतुले स्क्रिप्ट पढेपछि मात्र आफूले जवाफ दिने बताएका छन् । कलाकार नेपाल ‘छक्का पन्जा’को टिमबाट बाहिरिएपछि मुख्य कलाकारको रुपमा फिल्ममा काम गरिरहेका छन् ।

उनले अभिनय गरेको फिल्म ‘ह्यारी कि प्यारी’ रिलिज भइसकेको छ भने ‘ज्वाइँ साब’ तिहारमा रिलिज गर्ने तयारी गरिएको छ ।