‘गाउँ आएको बाटो’को उत्साहजनक सुरुवात, हल–हलमा दयाहाङ

नायक दयाहाङ राइको मुख्य भूमिका रहेको फिल्म ‘गाउँ आएको बाटो’ आजबाट रिलिजमा आएको छ । आजबाट रिलिजमा आएको यो फिल्मले बक्स अफिसमा बिहानैबाट सुखद सुरुवात गरेको छ । 

नबिन सुब्बाको निर्देशनमा तयार भएको यो फिल्ममा दयाहाङ राई, प्रेम सुब्बा, पशुपति राई, प्रसन राई लगायतका कलाकारको अभिनय छ । 

यो फिल्मले काठमाडौंसँगै पूर्वका हलमा सुखद सुरुवात गरेको छ । बिहानैबाट दर्शकहरुको राम्रो चाप हलमा देखिएको छ । दर्शकहरु हलमा उच्च रुपमा देखिएपछि नायक दयाहाङ राई हल–हलमा पुगिरहेका छन् । 

हल पुगेका दयाले मिडियासँग भने–‘फिल्म हेरेपछि दर्शक कही न कही जोडिनुभएको छ । दर्शकले आफू कहाँ छु भनेर सोच्न थाल्नु भएको छ । निकै राम्रो प्रतिक्रिया मिलेको छ ।’

नायक राईले कही न कही हरेक तप्काका दर्शकलाई फिल्मले केही न केही सोच्न वाध्य बनायो भने आफूलाई पुग्ने बताए । 

यो फिल्मको आज काठमाडौंका धेरै शोजहरुमा हाउसफुल देखिएका छन् । यसरीहेर्दा, भोलि शनिबार फिल्मले अझै उत्कृष्ट व्यापार गर्ने अपेक्षा गर्न सकिन्छ । 

एउटा विकट गाउँमा बाटो पुगेपछि आउने परिवर्तन, छोराका लागि बाबुले के समेत गर्न सक्छ भन्ने कथालाई फिल्मले सूक्ष्म रुपमा प्रस्तुत गरेको छ ।