‘सतीदेवी’को टिजरमा मलिकाको पीडा

फिल्म ‘सतीदेवी’को टिजर सार्वजनिक भएको छ । दिलासा क्रियशनको ब्यानरमा निर्माण भएको यो फिल्मको शीर्ष भूमिकामा नायिका मलिका महत्तले काम गरेकी छिन् । फिल्मको सार्वजनिक टिजरमा छोरीको महत्वलाई दर्साइएको छ । 

यो फिल्ममा श्रीदेवी सुवेदी र विशाल सुवेदीको लगानी छ । फिल्ममा मलिका महत, हर्षिका वाली, मन्जिला बानियाँ, सन्दीपबाबु लोहनी, रमेश वुढाथोकी, कुल बहादुर अधिकारी, भोला सापकोटा, श्रृजना अधिकारी, सुजिता सिवाकोटी लगायतका कलाकारको अभिनय छ । 

बाबु श्रेष्ठको छायांकन रहेको फिल्ममा तारा थापा ‘किम्भे’को सम्पादन, दीपक शर्मा र सुभाष भुसालको संगीत, रामजी लामिछानेको कोरियोग्राफी छ । फिल्मको लेखन तथा निर्देशन लक्ष्मण सुवेदीले गरेका हुन् । 

यो फिल्मलाई साउनको ४ गतेबाट रिलिज गर्ने तयारी यसको निर्माणपक्षले गरेको छ । सार्वजनिक टिजरमा छोराको आशामा बसेको एक पिता, छोरीहरूले भोगेको पीडालाई देखाइएको छ । 

सामाजिक कथावस्तुमा निर्माण भएको यो फिल्मले दर्शकलाई मन पराउने विश्वास निर्देशक सुवेदीको छ ।