‘मोदीबेनी’को पोस्टरमा वर्षा र अमरको यस्तो लुक्स

फिल्म ‘मोदीबेनी’ साउनको १८ गतेबाट रिलिज हुँदैछ । यो फिल्मको रिलिज मिति नजिकिदै जाँदा यसको निर्माणपक्षले प्रचारप्रसारलाई पनि तीव्र रुपमा अगाडि बढाइरहेको छ । यसैबिच, यसको निर्माणपक्षले दुई नयाँ पोस्टर सार्वजनिक गरेको छ । जहाँ, फिल्मकी मुख्य नायिका वर्षा सिवाकोटी र नव–कलाकार अमर प्रताप श्रेष्ठलाई हेर्न सकिन्छ ।

फिल्मको दुई पोस्टरमध्ये एकमा अमरलाई एङ्ग्री अवतारमा देखाइएको छ भने अर्को पोस्टरमा नायिका वर्षालाई रहस्यमय अवतारमा देखाइएको छ । फिल्ममा वर्षा र अमर जोडीको रुपमा देखिदैछन् । फिल्ममा जोडीको रुपमा भएपनि पोस्टर अलग–अलग रुपमा सार्वजनिक गरेर निर्माणपक्षले केही रहस्य लुकेको आभाष दर्शकलाई गराएको छ ।

शंकर कोइरालाको निर्देशनमा तयार भएको यो फिल्मलाई ‘मोदीबेनी’को एक अविश्वसयिन घटनामा आधारित रहेर तयार पारिएको हो । रोयल भीमसेनले तयार पारेको पोस्टर आकर्षक छ ।

फिल्ममा रेजिना उप्रेती, प्रवीण खतिवडा, सरोज खनाल, दिलीप केसी, कमलमणि नेपाल, जीवन भट्टराई, सरोज अर्याल, अनामिका लामिछाने, स्नेहा भट्टराई, लाबिस लगायतका कलाकारको यो फिल्ममा अभिनय छ ।