विपनाको दौडधुप

नायिका विपना थापा अहिले काठमाडौंमा दौडधूप गरिरहेकी छिन् । काठमाडौंमा केही दिन अगाडि आयोजना भएको ‘सिने सर्कल अवार्ड’मा सहभागी भएकी विपनाको निकै चर्चा भयो । उनले, स्टेजमा पुगेर अवार्ड वितरण मात्र गरिनन्, यम बरालले गीत गाउँदै गर्दा स्टेजमा पुगेर नाचिन् पनि । 

यसपछि, विपनाले मिडियासँग कुराकानी गर्दै फिल्म क्षेत्रको विषयमा थुप्रै कुरा शेयर गरिन् । उनै, विपनाले फिल्म ‘ह्रस्व दीर्घ’को डबिङ समेत सकाएकी छिन् । विपनाले यही फिल्मबाट कमब्याक गर्ने तयारी गरेकी छिन् । यो फिल्ममा उनको भूमिका के हो भन्ने खुलाइएको छैन । तर, फिल्मलाई लिएर विपना उत्साहित छिन् । 

विपना काठमाडौंमा आयोजना भएको ‘गोपिकृष्ण राष्ट्रिय फिल्म अवार्ड’मा पनि पुगिन् । उनै, विपनाले फिल्म ‘पुजार सार्की’को विशेष शोमा समेत आफूलाई सहभागी गराइन् । 

विपनाले फिल्म हेर्दै नायक प्रदीप खड्काको तारिफ गरिन् । उनले, प्रदीपका कारण फिल्ममा निकै मनोरञ्जन मिलेको प्रतिक्रिया दिइन् । 
नायिका थापाले काठमाडौंमा रहँदा निकै दौडधूप गरिरहेकी छिन् । उनले अब अर्को कुन फिल्ममा काम गर्छिन्, त्यो भने खुलाएकी छैनन् ।