दयाका लागि महत्वकांक्षी रहेको ‘गाउँ आएको बाटो’को ओपनिङ कस्तो होला ?

शुक्रबारदेखि रिलिजमा आउन लागेको फिल्म ‘गाउँ आएको बाटो’को बूकिङ मल्टिप्लेक्सका मुख्य चेनहरुमा खुलेको छ । अझै केही मल्टिप्लेक्सले यसको शोज खुलाएका छैनन् । 

तर, यो फिल्मले मल्टिप्लेक्समा राम्रो शोज पाएको छ । विशेषगरि, जेठ १० गते रिलिजमा आएका दुई फिल्म ‘पुजार सार्की र फर्की फर्की’ले पनि केही शोज होल्ड गर्दा यो फिल्मले उत्साहजनक शोज पाउन नसकेको हो । 

उपत्यकाका विभिन्न चेनमा क्यूएफएक्सले यो फिल्मलाई १४ शोज उपलब्ध गराएको छ । विशेषगरि, पूर्वका हलहरुमा यो फिल्मले राम्रो शोज पाएको छ । 

नबिन सुब्बाको निर्देशनमा तयार भएको यो फिल्मको बलियो वर्ड अफ माउथ आएको खण्डमा शोज बढ्न सक्छ । 

यो फिल्म नायक दयाहाङ राईका लागि महत्वपूर्ण मानिएको छ । किनकी, दयाका फिल्महरूले लगातार अपेक्षित व्यापार नगर्दा उनी आफै दबाबमा छन् । यहीकारणले उनले फिल्म साइन गरेर पनि छायांकन सुरु गरेका छैनन् । 

यो फिल्मलाई लिएर उनी आफै पनि सन्तुष्ट छन् । यसकारण, यो फिल्मको व्यापार उत्साहजनक भएको खण्डमा दयालाई लिएर भइरहेका आलोचना मत्थर हुनेछन् । 

फिल्म ‘गाउँ आएको बाटो’ले सुखद ओपनिङ गर्ने अपेक्षा गरिएको छ ।