‘होस्टेल ३’मा रिहान, पदम र सिम्रन अनुवन्धित

फिल्म ‘होस्टेल ३’को मुख्य भूमिकामा रिहान गिरी, पदम तामाङ र सिम्रन पन्तलाई अनुबन्धित गरिएको छ । यसअघि यो फिल्ममा कलाकार पारस बम ‘कुल ब्वाय’ फाइनल भइसकेका छन् । 

युवापुस्ताको कथामा बन्न लागेको फिल्मका लागि निर्माणपक्षले अधिकांश युवा र नयाँ अनुहारलाई नै अनुबन्धित गरेको छ । सशान कँडेलको निर्देशनमा तयार हुन लागेको यो फिल्मका लागि अब २ जना कलाकार आवश्यक रहेको निर्माणपक्षले बताएको छ ।

यो फिल्मले होस्टेलमा बसेर अध्ययन गरिरहेका युवा र उनीहरुको भविष्यका घटनालाई पर्दामा देखाउने बताए । यो बर्षको अन्त्यतिर रिलिज गर्ने सोचका साथ काम अगाडि बढाइएको छ । यो फिल्ममा माधव शर्माको स्क्रिप्ट छ । यसको कथा भने निर्देशक कँडेलले नै लेखेका हुन् ।

सम्मान इन्टरटेन्मेन्टले आरोन कन फिल्मसँगको सहकार्यमा यो फिल्म निर्माण गर्न लागेको हो । फिल्ममा शिशिर ज्ञवालीको लगानी छ । शंकर कोइराला कार्यकारी निर्माता रहेको फिल्ममा सुधा महरठ्ठा, सुरेश कँडेल र अर्जुन सापकोटा सह–निर्माताको रुपमा छन् ।