कसरी भयो विकास बोर्ड अध्यक्ष केसी र नायिका साई पल्लवीको भेट ?

मुम्बईमा आयोजना भएको एक अवार्ड समारोहमा पुगेका चलचित्र विकास बोर्डका अध्यक्ष एवं नायक भुवन केसी र साउथ फिल्मकी नायिका साई पल्लवीबिच भेटघाट भएको छ । नायक केसीले सामाजिक संजालमा पल्लवीसँगको तस्विर पोष्ट गरेका छन् । 

सोही अवार्ड समारोहमा भुवन र पल्लवीबिच भेट भएको हो । भुवन र पल्लबीले केही समय मुम्बईको एक रेष्टुरेण्टमा बिताएका थिए । 

भेटका क्रममा नेपाली फिल्म क्षेत्र र साउथ फिल्म नगरीको बीचमा एक अर्काले अनुभव आदानप्रदान गरेका थिए । 

बोर्ड अध्यक्ष केसीका अनुसार, साई पल्लवीले नेपाली फिल्म हेर्ने इच्छा समेत राखेकी थिइन् । साई पल्लवी केही महिनापछि नेपाल आउन लागेको जानकारी समेत भुवन केसीले दिएका छन् । 

पल्लवीले भुवनसँगको भेटमा नेपालको सौन्दर्यताको चर्चा समेत गरेकी थिइन् । साई पल्लबी साउथकी लोकप्रिय नायिका हुन् । उनले, कुनै पनि फिल्ममा आजसम्म मेकअप नगरी अभिनय गरेकी छिन् । 

बोर्ड अध्यक्ष तथा नायक केसी र नायिका प्रियंका कार्की ‘दादा साहेब फाल्के अवार्ड’का लागि भारत पुगेका थिए ।