‘अवार्ड क्विन’ स्वस्तिमा

नायिका स्वस्तिमा खड्काको चर्चा नेपाली फिल्म क्षेत्रमा सर्वाधिक छ । आफ्नो अभिनयका कारण दर्शकको मन जितिरहेकी स्वस्तिमा पछिल्लो पुस्ताकी सर्वाधिक व्यस्त नायिका समेत हुन् । 

आजका दिनमा स्वस्तिमाको हातमा फिल्म र ब्रान्डको कुनै अभाव छैन । यतिमात्र होइन, आफ्नो उत्कृष्ट कामका कारण उनले देशमा आयोजना हुने थुप्रै अवार्ड समेत जितिरहेकी छिन् ।

यो साता मात्र काठमाडौंमा आयोजना भएको दुई वटा फिल्मी अवार्डमा स्वस्तिमाले ‘उत्कृष्ट नायिका’को अवार्ड जितिन् । स्वस्तिमाले काठमाडौंमा आयोजना भएको ‘सिने सर्कल अवार्ड र गोपिकृष्ण नेशनल फिल्म अवार्ड’मा उनले ‘उत्कृष्ट नायिका’को अवार्ड जितिन् । 

स्वस्तिमाले फिल्म ‘बुलबुल’बाट राष्ट्रिय तथा अन्तराष्ट्रिय अवार्ड जितेकी थिइन् । यो बर्ष बल्ल अवार्डको मेला सुरु हुँदैछ । स्वस्तिमाले भने लगालग २ वटा अवार्ड फिल्म ‘दिमाग खराब’बाट जितिसकेकी छिन् । यो बर्ष पनि उनका आशा गरिएका दुई वटा फिल्म रिलिज हुँदैछन् । यसरीहेर्दा, स्वस्तिमाले यो बर्ष पनि थुप्रै अवार्ड जित्ने संभावना छ । 

स्वस्तिमा अभिनित फिल्म ‘बेहुली फ्रम मेघौली’ दशैंमा र ‘बसन्त’ चैते दशैंमा रिलिजमा आउँदैछ ।