‘बेहुली फ्रम मेघौली’को फस्टलुकमा शक्तिशाली स्वस्तिमा

यो बर्षको दशैंमा रिलिजमा आउन लागेको फिल्म ‘बेहुली फ्रम मेघौली’को फस्टलुक रिलिज गरिएको छ । यो फिल्मको फस्टलुकमा नायिका स्वस्तिमा खड्कालाई मात्र स्थान दिइएको छ । ट्याक्टर माथि चढेर औँला ठड्याउँदै स्वस्तिमा कसैलाई गाली गरिरहेको देख्न सकिन्छ ।

फिल्मको फस्टलुक शक्तिशाली छ । यसले, फिल्मप्रति दर्शकको उत्सुकता अझै बढाउने निश्चित छ । स्वस्तिमा खड्का र निश्चल बस्नेत निर्माता रहेको फिल्ममा साजन काफ्ले र आकाश बरालको लेखन तथा निर्देशन छ । शंकर पाण्डे र फिरोज खड्का कार्यकारी निर्माता रहेको यो फिल्ममा स्वस्तिमा र निश्चलकै मुख्य भूमिका छ । 

निर्माणपक्षले फिल्म हेर्नका लागि दर्शकलाई चुले निम्तो समेत दिएको छ । नामकै कारणले चर्चामा आएको यो फिल्मको फस्टलुकले दर्शकको ध्यान खिचिरहेको छ । यो फिल्मले बिबाहको कथालाई भन्नेछ ।