‘दान्भी’को ट्रेलर रिलिज

फिल्म ‘दान्भी’को एक्सनले भरिएको ट्रेलर रिलिज गरिएको छ । रुपेश तामाङको निर्देशनमा तयार भएको यो फिल्ममा नायिका पूजा शर्मा केन्द्रीय भूमिकामा छिन् ।

फिल्ममा उनको साथमा कुन्साङ बोमजोम, किरण श्रेष्ठको पनि मुख्य भूमिका छ । पवन राना मगर कार्यकारी निर्माता रहेको फिल्ममा देव मगर र अनुप गडालको लगानी छ । 

रविन थापा मगरको कथा रहेको फिल्ममा संजोग कुँवर रानाको पटकथा तथा संवाद, अर्जुन पोखरेल, नरेश जोगी र केदार राज नेपालीको संगीत, हरिबहादुर घलेको डीओपी, बन्दे प्रसादको सम्पादन, श्री श्रेष्ठको एक्सन छ । 

फिल्म ‘दान्भी’को ट्रेलरमा एक्सनसँगै कुन्साङ र पूजाबिचको केमेष्ट्री पनि देखाइएको छ । ट्रेलर हेर्दा फिल्ममा पूजाले एक्सनका लागि निकै मिहिनेत गरेको देख्न सकिन्छ ।