‘मेयर’का ‘भोला’ अर्थात संजोग

दीपेन्द्र के खनालको निर्देशनमा तयार भएको फिल्म ‘मेयर’को प्रदर्शन मिति तय गरिएको छैन । यो फिल्मको छायांकनका क्रममा सेटबाट बाहिरिएका तस्विरले पनि यसको क्यानभास अड्कल लगाउन सकिन्छ । 

यसैबिच, निर्माणपक्षले फिल्मका कलाकारमध्येका एक संजोग रसाइलीको क्यारेक्टर लुक्स भने सार्वजनिक गरेको छ । फिल्ममा उनी ‘भोला’ पात्रको रुपमा देखिन लागेको सार्वजनिक पोस्टरबाट थाहा हुन्छ । फिल्मको शीर्ष भूमिकामा खगेन्द्र लामिछानेले काम गरेका छन् । फिल्ममा नायिका वर्षा राउत खगेन्द्रकी श्रीमतीको रुपमा देखिदैछिन् । 

शर्मिला पाण्डे र श्रृष्टिमाँ खनालको लगानीमा बनेको यो फिल्मका कार्यकारी निर्माता दीपेन्द्र के खनाल हुन् । 

फिल्म ‘मेयर’ बागमती नगरपालिकाका मेयर भरत थापाको कथा भन्छ । तर, यो उनको बायोपिक भने नभएको निर्माणपक्षले उल्लेख गरेको छ ।