गरिमाले किनिन् ४० लाखमा विद्युतीय गाडी

मोडल तथा नायिका गरिमा शर्माले विद्युतीय गाडी खरिद गरेकी छिन् । उनले ४० लाख रुपैयाँमा विद्युतीय गाडी खरिद गरेको जानकारी मेरो फिल्मलाई  दिएकी छिन् । 

नेपालमा पछिल्लो समय विद्युतीय गाडीको क्रेज बढेको भन्दै आफूले पनि वातावरण र पैसा जोगिने आशामा इभी कार किनेको बताइन् । 

गरिमाले गाडी किनेपछि सोरुमबाट आमालाई चढाएर घरसम्म लगेकी थिइन् । टिकटकबाट उदाएकी गरिमाले म्युजिक भिडियो हुँदै फिल्ममा काम गरिसकेकी छिन् । 

गरिमाले आफ्नै कमाइबाट गाडी खरिद गर्न पाउँदा निकै खुशी भएको बताइन् । गरिमाले काम गरेका थुप्रै भिडियो चर्चित बनेका थिए । उनले एकपछि अर्को फिल्ममा पनि काम गरिरहेकी छिन् ।