नेपालसँगै विदेशी बजारमा पनि धुम मच्चाउँदै ‘फर्की फर्की’

बिहिबारदेखि रिलिजमा आएको फिल्म ‘फर्की फर्की’ले इनिसियल व्यापार बिष्फोटक गर्यो । बिहिबार र शनिबार नेपाली बक्स अफिसमा यो फिल्मको व्यापार आक्रामक देखियो । शुक्रबार भने फिल्मको व्यापार औषत थियो । 

यो फिल्मले नेपाली बक्स अफिसमा इनिसियल रुपमा आक्रामक कमाई गर्दै गर्दा विदेशी बजारमा पनि सुखद कमाई गरिरहेको छ । 

फिल्मका निर्माता रोहित अधिकारीले दिएको जानकारी अनुसार, यो फिल्म अष्ट्रेलिया, न्यूजिल्याण्ड लगायतका देशमा हलमै रिलिज भइरहेको छ ।

हलमा रिलिज भइरहेको यो फिल्मले बक्स अफिसमा धुम मच्चाइरहेको रोहितको भनाई छ । 

अष्ट्रेलियाको बक्स अफिसमा यो फिल्मले निकै राम्रो व्यापार गरेको उनको भनाई छ । नायक अनमोल केसीका फिल्मले विदेशी बजारमा राम्रो व्यापार गर्दैनन् भन्ने चर्चा हुने गर्दथ्यो । तर, यसपटक ओभरसिजमा पनि अनमोलले राम्रो उपस्थिती जनाएका छन् । यसकारण, उनको आउँदो फिल्मलाई यो नतिजाले फाइदा गर्ने निश्चित छ । 

यो फिल्मको निर्माण टिमले नेपाली बक्स अफिसको आँकडा सार्वजनिक गरेको छैन । तर, शनिबार फिल्मको व्यापार बिष्फोटक देखिएको वितरक गोविन्द शाही बताउँछन् । 

सुयोग गुरुङको लेखन तथा निर्देशनमा तयार भएको यो फिल्ममा अनमोल केसी, जसिता गुरुङ, रवि काफ्ले, समृद्धी अर्याल लगायतका कलाकारको अभिनय छ । 

फिल्मले आगामी दिनमा पनि सुखद व्यापार गर्ने अपेक्षा गरिएको छ ।