‘ह्रस्व दीर्घ’को तेस्रो चरणको पोस्टर रिलिज

फिल्म ‘ह्रस्व दीर्घ’को तेस्रो चरणको पोस्टर सार्वजनिक गरिएको छ । नेपाली र तेलुगू भाषामा निर्माण गरिएको फिल्मको सार्वजनिक पोस्टरमा अभिनेत्री विपिना थापा र साउथ अभिनेता प्रदीप रावत प्रस्तुत छन् । 

निर्देशक चन्द्र पन्तको निर्देशनमा तयार भएको फिल्मको सार्वजनिक गरिएको पोस्टरमा अभिनेत्री विपना भावुक मुद्रामा प्रस्तुत भएकी छिन् । त्यस्तै, चन्दन र रुद्राक्ष माला लगाएर पण्डितको भेषमा प्रस्तुत भएका प्रदीपको आँखा क्रोधले भरिएको छ। 

नायिका नीता ढुङ्गानाको निर्माण तथा हरिहर अधिकारीको लेखन रहेको फिल्मलाई भारतका छायाँकार कवीरलालले छायांकन गरेका हुन् ।यो फिल्मको नेपाल र भारतमा गरी तीन चरणमा छायांकन गरिएको थियो । 

नेपाली र तेलुगू भाषामा निर्माण गरिएको यो फिल्ममा विपनासहित नीता ढुंगाना, हरिहर अधिकारी, सरोज खनाल, गरिमा शर्मा, सञ्चिता लुइँटेल, बुद्धि तामाङ, किरण केसी, रविन्द्र झा, प्रशान्त ताम्राकार आदिको अभिनय रहेको छ भने साउथबाट प्रदीपसहित ब्रम्हानन्दम, अली र कबीर दुहान सिंह छन्।

फिल्म आगामी असोज ११ गतेबाट रिलिजमा आउनेछ।