असारबाट ‘कमेडी दरबार’

टेलिभिजन कमेडी शो ‘कमेडी दरबार’ असारको १४ गतेबाट प्रशारणमा आउने भएको छ । बिक्की अग्रवाल र श्रद्धा प्रसाँइले निर्देशन गर्ने यो शो प्राइम टेलिभिजनमा प्रत्येक शुक्रबार ९ बजे र ओएसआर डिजिटलबाट प्रशारणमा आउनेछ । 

काठमाडौंमा आइतबार पत्रकार सम्मेलनको आयोजना गर्दै शोको टिजर सार्वजनिक गरिएको थियो । सार्वजनिक टिजरमा कलाकारद्वय गौरी मल्ल र विजय बराललाई देखाइएको छ । यसपटक यो शोमा विक्की नदेखिने भएका छन् । उनले, कार्यक्रमको निर्देशन मात्र गर्ने बताए । 

यो शोमा गौरी मल्ल महारानीको भूमिकामा देखिदैछिन् । उनले, कमेडीको क्षेत्रमा नयाँ सोच भएका युवाहरूसँग काम गर्न पाउँदा खुशी लागेको र दर्शकले फरक स्वाद पाउने बताए ।

यस्तै, शोमा विजय बराल, नम्रता सापकोटा, नम्रता श्रेष्ठ, मिस पबी, हिमेश पन्त, पवन खतिवडा, उत्सव सापकोटा, सुन्दर खनाल लगायतलाई पनि देख्न सकिनेछ ।