किन शिर्ष नेताहरुलाई पटक–पटक भेटिरहेका छन् ज्ञानेन्द्र ?

निर्देशक ज्ञानेन्द्र देउजा फिल्म ‘उपहार’ रिलिजपछि अलग्गै दौडधुपमा व्यस्त छन् । उनले, प्रधानमन्त्री पुष्पकमल दाहालदेखि नेपाल कम्युनिष्ट पार्टीका नेता विप्लपलाई पटक–पटक भेटिरहेका छन् । 

निर्देशक देउजाको शीर्ष नेताहरूसँगको भेटघाटको कारण भने खुलेको छैन । उनले, प्रधानमन्त्री दाहालसँग दोस्रो पटक भेट गरे । साथै, नेकपाका नेता विप्लपसँग पनि उनले पटक–पटक भेट गरिरहेका छन् । 

चलचित्र विकास बोर्डको अध्यक्ष पद रिक्त हुन लागेको समयमा ज्ञानेन्द्रको यो दौडधुपलाई अर्थपूर्ण रुपमा हेरिएको छ । तर, निर्देशक देउजाले भने शीर्ष नेताहरूलाई व्यक्तिगत कामकै कारण भेट गरेको बताए । यो बाहेक अन्य कुरा खुलाउन नमिल्ने उनको तर्क छ । 

ज्ञानेन्द्रले गतबर्ष निर्देशन गरेको फिल्म ‘उपहार’ले बक्स अफिसमा औषत व्यापार गरेको थियो । ज्ञानेन्द्र नयाँ फिल्मको तयारीमा पनि व्यस्त रहेको वुझिएको छ ।