‘मनसरा’लाई हलमा उच्च शो, कस्तो गर्ला ओपनिङ ?

शुक्रबारदेखि रिलिजमा आउन लागेको फिल्म ‘मनसरा’को बुकिङ खुल्ला गरिएको छ । देशभरका मल्टिप्लेक्सले मंगलबारबाट नै फिल्मको बुकिङ खुलाएका हुन् । 

यो फिल्मलाई देशभरका हलले उच्च शो दिएका छन् । जसकाकारण, फिल्मले सुखद ओपनिङ गर्ने अपेक्षा गरिएको छ । यो फिल्मलाई वान सिनेमाजले नयाँ बाँनेश्वर र कालिमाटीका दुई आउटलेटमा १२ शोज उपलब्ध गराएको छ । यस्तै, क्यूएफएक्स चेनले देशभर ६९ शोज उपलब्ध गराएको छ । काठमाडौंमा २८ र मोफसलमा ४१ शो फिल्मले पाएको छ । 

यस्तै, यो फिल्मलाई बीग मुभिजले ७ शोज उपलब्ध गराएको छ । उपेन्द्र सुब्बाको निर्देशनमा तयार भएको यो फिल्ममा दयाहाङ राई, मिरुना मगर, प्रविण खतिवडा, मेनुका प्रधान लगायतका कलाकारको अभिनय छ । 

यो फिल्ममा निमेष श्रेष्ठको सम्पादन, शैलेन्द्र ध्वज कार्कीको छायांकन छ । फिल्मलाई एप्पल इन्टरटेन्मेन्टले वितरण गर्नेछ । सिजन दाहाल कार्यकारी निर्माता रहेको फिल्ममा किरण चाम्लिङ राई मुख्य सहायक निर्देशकको रुपमा छन् । 

यसअघि निर्देशक सुब्बाले निर्देशन गरेको फिल्म ‘जारी’ले ब्लकबस्टर व्यापार गरेको थियो । यसैले, ‘मनसरा’ले पनि दर्शकको ध्यान खिचिरहेको छ ।