‘खजुरे ब्रो’को ‘लभ गर्ने मान्छे’ गीत रिलिज

बैशाखको २८ गतेबाट रिलिजमा आउन लागेको फिल्म ‘खजुरे ब्रो’को पहिलो गीत ‘लभ गर्ने मान्छे’ सार्वजनिक भएको छ । आज, काठमाडौंमा पत्रकार सम्मेलनको आयोजना गर्दै यसको निर्माणपक्षले रमाइलो गीत सार्वजनिक गरेको हो । 

अनमोल गुरुङको संगीत रहेको यो फिल्मलाई सुरज सुनवारको लेखन तथा निर्देशन छ । नविन मानन्धर र सुरज सुनवारको यो फिल्ममा लगानी छ । फिल्ममा अनमोल गुरुङको संगीत छ । 

डायमण्ड उप्रेती कार्यकारी निर्माता रहेको यो फिल्ममा मित्र डी गुरुङको सम्पादन छ । फिल्ममा रेअर राई, महेश त्रिपाठी, नीति शाह, विनिता थापा मगर, शान्तिला तामाङ, सुष्मा निरौला, पुष्कर गुरुङ, मनिष राउत, पवन लिम्बु, प्रकेश भुजेल, प्रेम सुब्बा, सुजता राई, दीप चन्द्र राई लगायतको अभिनय छ । 

यही फिल्मबाट नायिका नीति शाहले फिल्म क्षेत्रमा डेब्यू गर्दैछिन् । फिल्मको सार्वजनिक गीत रमाइलो छ । यो गीतले दर्शकको मन जित्ने विश्वास गरिएको छ । 

यो फिल्मको शिर्ष भूमिकामा कलाकार रेअर राई देखिएका छन् ।