‘कमेडी दरबार’मा गौरी मल्लको प्रवेश, कस्तो बन्दैछ शो ?

‘कमेडी दरबार’ नाम नयाँ रियालिटी शोमा नायिका गौरी मल्ल भित्रिएकी छिन् । शोका निर्देशक विक्की अग्रवाल र श्रद्धा प्रसाँइले मंगलबार मल्लसँग कागजी संझौता गरेका हुन् । निर्देशक विक्कीका अनुसार शोमा मल्लको शीर्ष भूमिका रहनेछ ।

तर, उनलाई कुन भूमिकामा अनुबन्ध गरिएको भन्नेबारे विक्कीले केही पनि खुलाएका छैनन् । यो शोमा यसपछि विजय बरालसँगै हिमेश पन्त, पवन खतिवडा, सुन्दर खनाल, विकास अर्याल अनुबन्धित भइसकेका छन् । अन्य केही कलाकारहरूलाई पनि फाइनल गर्ने चरणमा आफूहरू रहेको निर्माणपक्षले बताएको छ । यो शोका अहिले सेटमा काम भइरहेको छ ।

अहिले प्रशारण भइरहेका कमेडी शो भन्दा केही फरक प्रयासका साथ काम भइरहेको निर्देशक श्रद्धाले बताएकी छिन् । यो शोलाई पूर्ण रुपमा पारिवारिक बनाउने तयारी समेत विक्कीको छ । 

विक्की र श्रद्धाले यसअघि ‘आम्मा कसम याँ दुख्छ’ नाम शो संचालन गरेका थिए ।