कस्तो छ ‘द रेड सुटकेस’को टिजर ?

चैत्रको ३० गतेबाट रिलिजमा आउन लागेको फिल्म ‘द रेड सुटकेस’को टिजर सार्वजनिक भएको छ । भेनिस फिल्म फेस्टिभलमा २ वटा अवार्ड जितेको यो फिल्मको टिजरमा कलाकार प्रवीण खतिवडालाई मात्र देखाइएको छ ।

टिजरले मिथ र यथार्थको कोलाजमा नेपालको आप्रवासी परम्परालाई उच्च दृश्यमार्फत प्रस्तुत गरिएको छ । फिल्मका निर्देशक फिडेल देवकोटाले कथा र कथा भन्ने तरिका आफ्ना लागि महत्वपूर्ण रहेकाले सोही अनुसार टिजर तयार पारिएको बताए ।

यो फिल्ममा सौगात मल्ल, विपिन कार्की, सृष्टि श्रेष्ठको पनि अभिनय छ । फिल्ममा कलाकार खतिवडा रोचक भूमिकामा रहेको बताइएको छ ।

आइसफल प्रोडक्शनका लागि रामकृष्ण पोखरेलले निर्माण गरेको यो फिल्ममा सुशन प्रजापतिको छायांकन, समन अलभितिगाले सम्पादन गरेका हुन् ।

श्रीलंकामा प्राविधिक काम गरिएको फिल्ममा शोभा थापा निर्माता र श्रीलंकाकै विमुक्ति जयसुन्दरा सह–निर्माताको रुपमा छन् ।