‘रावायण’मा प्रियंकाको इन्ट्री, तीजमा रिलिज हुने

फिल्म ‘रावायण’मा नायिका प्रियंका कार्कीको इन्ट्री भएको छ । केही दिनमै छायांकनमा जान लागेको फिल्ममा प्रियंका कार्कीको प्रवेश भएसँगै कलाकारहरूको लाइनअप पनि पुरा भएको छ । 

सुदर्शन थापा प्रोडक्शन र पूजा शर्मा प्रोडक्शनको संयुक्त व्यानरमा निर्माण हुन लागेको यो फिल्ममा सुदर्शन थापा र पूजा शर्माको लगानी रहनेछ । 

यसैबिच, यसको निर्माणपक्षले फिल्मको प्रदर्शन मिति समेत तय गरेको छ । यो फिल्मलाई वि.सं २०८१ सालको भदौको २१ गतेबाट रिलिज गरिने निर्माणपक्षले बताएको छ । तीजको अवसर पारेर फिल्मको प्रदर्शन गर्न लागिएको हो । 

यो फिल्ममा पल शाह, पूजा शर्मा, प्रियंका कार्की, प्रमोद अग्रहरी, निकिता चण्डक, प्रकाश शाह, कैलाश रावल, अर्जुनजंग शाही, शर्मिला मल्ल, प्रदीप ढकाल लगायतका कलाकारको अभिनय रहेन छ ।

यो फिल्ममा शिवम् अधिकारीको लेखन, सौरभ लामाको छायांकन, विक्रम स्वार र रामजी लामिछानेको कोरियोग्राफी, श्री श्रेष्ठको एक्सन रहनेछ । फिल्मको सम्पूर्ण गीतको रेकर्डिङ मुम्बईमा गरिएको छ ।