आँचलको व्यस्तताः २ घन्टाका लागि काठमाडौं आइन्, फेरि पोखरा फर्किइन्

नायिका आँचल शर्मा पछिल्लो समय निकै व्यस्त छिन् । उनको हातमा एकपछि अर्को फिल्म छ । यसैले, उनलाई आफ्नो सेड्यूल मिलाउन धौ–धौ परिरहेको छ । 

शुक्रबार दिउँसो २ बजे आँचल काठमाडौंमा आइपुगिन् । उनी, पोखराबाट काठमाडौंमा झरेकी थिइन् । काठमाडौंमा आयोजना भएको फिल्म ‘डिग्री माइला’को ट्रेलर रिलिज समारोहमा उनी सहभागी भइन् । उनले २ घन्टा भन्दा बढी समय कार्यक्रममा बिताइन् । मिडियासँग अन्तरवार्ता दिएकी आँचल यो फिल्मलाई लिएर निकै उत्साहित देखिइन् । उनले, फिल्मका निर्देशक रामबाबु गुरुङ, नायक दयाहाङ राईबाट धेरै कुरा सिकेको बताइन् । 

२ घन्टा ट्रेलर रिलिजमा बिताएकी आँचल यसपछि फेरि पोखरामा नै फर्किइन् । पोखरामा आँचलले अभिनय गरिरहेको फिल्म ‘एक मुठ्ठी बादल’को छायांकन भइरहेको छ । यो फिल्मको छायांकन बिहिबार रातभर गरेको आँचलको भनाई थियो । 

अझै केही दिन फिल्मको छायांकन पोखरामा हुने भएकाले आँचलले ‘डिग्री माइला’को प्रचारमा साथ दिन पाउने छैनन् । 
यसपछि, भने उनी यो फिल्मको प्रचारमा पूर्ण रुपमा लागिपर्ने बुझिएको छ । आँचलले अब फिल्म ‘पिताम्बर, बर एण्ड बधू, दुखी आत्मा’ लगायतको पनि छायांकन गर्नुपर्नेछ ।