‘महाजात्रा’ रिलिज, कस्तो छ बिहानी शोको अकुपेन्सी ?

आजबाट देशका सबै जसो हलमा फिल्म ‘महाजात्रा’ रिलिज भएको छ । फिल्म क्षेत्रले नै उच्च आशा गरेको यो फिल्मलाई प्रदर्शकले पनि उच्च शो नै उपलब्ध गराएका छन् । यसैले, ‘महाजात्रा’लाई बम्पर व्यापारको अवसर छ । 

यो फिल्मले बिहानी शोमा सुखद अकुपेन्सीका साथ सुरुवात गरेको छ । बिहानैबाट दर्शकको चाप हलमा देखिएको छ । विशेषगरि, बिहानी शो र बेलुकीका शोमा बूकिङ सुखद छ । 

प्रदीप भट्टराईको लेखन तथा निर्देशनमा तयार भएको यो फिल्मले कमेडीसँगै राजनीतिको विषयलाई पनि छोएको छ । फिल्ममा हरिवंश आचार्य, विपिन कार्की, रविन्द्र झा, रविन्द्र सिंह बानियाँ, वर्षा राउत, राजाराम पौडेल, दिव्य देव लगायतका कलाकारको अभिनय छ । 

फिल्मले प्रिमियरमा पनि राम्रो तारिफ पाएको थियो । ‘जात्रा र जात्रै जात्रा’लाई दर्शकले मन पराएका कारण पनि तेस्रो सिक्वेलको प्रतीक्षा खुबै थियो । 

यो बर्ष अब रिलिज हुन लागेका अन्य फिल्मसँग ‘महाजात्रा’को प्रतिस्पर्धा खासै नहुने देखिन्छ । यसैले, दर्शकको वर्ड अफ माउथ राम्रो आएको खण्डमा फिल्मले बम्पर कमाई गर्ने आँकलन लगाउन सकिन्छ ।