प्रदीप र बेनिशाको फिल्मको नाम ‘एक्लो’

निर्माणपक्षले नायक प्रदीप खड्का र नायिका बेनिशा हमाललाई फिल्ममा अनुवन्धित गरेपनि नाम भने लुकाएको थियो । प्रदीप शाहीको लेखन तथा निर्देशनमा बन्ने फिल्ममा कलाकारहरु अनुवन्धित गरेपनि अनटाइटल प्रोजेक्टको रुपमा प्रचार गरिएको थियो । 

तर, मेरो फिल्मलाई विशेष श्रोतले दिएको जानकारी अनुसार फिल्मको नाम ‘एक्लो’ राखिएको छ । साई प्रोडक्शन नेपालको ब्यानरमा निर्माण हुन लागेको यो फिल्ममा ह्याम्साएर एकाउन्टेनको पनि सहकार्य रहनेछ । 

फिल्मका कार्यकारी निर्माता विनोद सुवेदी हुन् । साई फाई जोम्बी थ्रिलर जनरामा यो फिल्मको निर्माण हुनेछ । 

प्रदीप र बेनिशाले पहिलो पटक फिल्ममा जोडी बाँध्न लागेका हुन् । नायिका हमाल यो फिल्मका लागि आफू उत्साहित रहेको बताउँछिन् । निर्देशक प्रदीप शाहीले फिल्म ‘अन्तिम सस्कार’लाई पनि सस्पेन्स कथामा निर्माण गरेका थिए ।